Tert.amLife-ը գրում է.

Երգարվեստում երկարատև լռությունից հետո երգչուհի Հասմիկ Կարապետյանը նախորդ տարի վերադարձավ նոր տեսահոլովակով, սակայն դրան հաջորդեց ամուսնու աշխատանքի բերումով Կանադա մեկնելն ու Հասմիկը կրկին լռեց։ Այս օրերին Հասմիկը նկարահանել է իր նոր տեսահոլովակը, որը նվիրված է դստերը` Տաթևին։

Դեռ Կանադայում գտնվելու ամիսներին երգչուհին մեծ ցանկություն ուներ Հայաստանում նկարահանել իր փոքրիկին նվիրված երգի տեսահոլովակը: Այս տեսահոլովակում հանրությունն առաջին անգամ կտեսնի Տաթևի դեմքը, քանի որ մինչև այս Հասմիկը դստերը ցույց էր տալիս որոշակի շղարշի տակ։ Tert.am Life-ը ներկա է եղել տեսահոլովակի նկարահանումներին և առաջիննն է իր ընթերցողներին ներկայացնում բեքսթեյջն ու Տաթևի լուսանկարները։

Loading...

«Իմ Տաթև» երգի խոսքերի և երաժշտության հեղինակը Հասմիկն է, գործիքավորումն արել է Դեր Հովան: Տեսահոլովակում երգչուհու ոճով և զգեստների ընտրությամբ զբաղվել է դիզայներ Արփինե Կոշտոյանը, դիմահարդարումն արել է  Հասմիկի քույրը` Արմինե Կարապետյանը: Տեսահոլովակի ռեժիսորը Մարիամ Գևորգյանն է, որի հետ Հասմիկն առաջին անգամ էր համագործակցում:

«Շատ շնորհակալ եմ իմ տաղանդավոր ընկերոջը՝ Դեր Հովային, որ ինձ ծանոթացրեց МG studio-ի հիմնադիր, ռեժիսոր Մարիամ Գևորգյանի հետ: Առաջին անգամ էի համագործակցում իգական սեռի ներկայացուցիչ ռեժիսորի հետ: Կարծում եմ` կանայք շատ ավելի լավ կարող են զգալ և հասկանալ մայրությունը: Ինձ շատ դուր եկավ Մարիամի մոտեցումն ինձ՝ իբրև հեղինակ-կատարողի: Նա առաջնահերթ հարցրեց, թե ես ի՞նչ եմ պատկերացրել երգը գրելիս: Դա շատ լավ էր, որովհետև նա ինձ հնարավորություն տվեց պատմելու իմ պատկերացումները տեսահոլովակի մասին և, որպես իր գործի պրոֆեսիոնալ, կարողացավ այդ ամենը սինթեզել իր գաղափարների հետ»,- ասաց երգչուհին:

Տեսահոլովակի սյուժետային գիծը բացել երգչուհին չցանկացավ, միայն նշեց, որ մեկամյա լռությունից հետո այս տեսահոլովակով վերադարձը արդարացված է և որոշակի անակնկալներով:  Տեսահոլովակի նկարահանումների մի մասն անցկացվեց Բուսաբանական այգում, մյուս տեսարաններն էլ նկարահանվել են բնության գրկում:

Նկարահանման հրապարակում էր նաև երգչուհու ամուսինը՝ Շանթ Կիրմիզյանը, թե ինչ ձևաչափով կլինի նրա մասնակցությունը, հանդիսատեսը կիմանա տեսահոլովակը դիտելուց հետո: Չնայած սցենարային գիծը նախապես մտածված էր` նկարահանման հրապարակում իմպորվիզներ էլ են եղել: Թեև երգը Տաթևին է նվիրված, նա տեսահոլովակում որպես գլխավոր հերոսուհի չի ներկայացել. «Չէի ցանկանում, որ ամեն բան իր շուրջ լինի: Տաթևի մայրը Հասմիկ Կարապետյանն է, որն իրեն երգ է նվիրել: Ամեն ինչ սկսվում է դրանից»:

Ամբողջական հոդվածը կարող եք կարդալ այստեղ

Загрузка...